قصيدة على لسان ام عراقية فقدت ابنها

قصيدة على لسان ام عراقية فقدت ولدها
--------------------------------------------
.
.
.
... مو هذا كلامك يمة لية
ليش أتعطلت يمة العصر فات
وبدت تعصر أبروحي المغربية ..
...
هلاهل ترس صدري وبيدي چكليت
وگبل أسبوع مشترية الهدية ..
...
أتاني الخبر عاجل طگني بالگاع
أنفجار الجامعة المستنصرية ..
...
ولك يمة وصلتك أزحف أزحوف
لأن رجلية ماتن گبل أدية ..
...
لگيت أكتابك و ماشفتك وياه
عفته أشلون مو رحتوا سوية ..
...
وجثة أتصيحلي من بين الرماد
مو هية گلت وأنه أدري هية ..
...
حاچيني دخيلك ياضوة العين
الشظية الصابتك مو بيك بية ..
...
انة أشتاگيت أبوس أچفوفك اليوم
أبگد مابوست أنته بدية ..
...
وصية والدك بيدي أنة أحنيك
ترضه أيگول خلت بالوصية ..
...
أعرفك غيرة كلك تذبح الموت
وتگعد بس أشگ ثوب العلية ..
...
أعز الناس چنت أتگلي ياحيف
أعز الناس ذلتها المنية ..
...
ياچف القدر المن أنمديت
ليش أتناوشت نجم الثرية ..
...
أبني البچت لمصابه الحمامات
وأغتاظ الگمر وأنخسف ضية ..
...
أبني أبن العراق و أمه بغداد
ياهو الكتب مجهول الهوية ...؟




نسال الله ان يعين كل ام فجعت بولدها
ببركة محمد وال محمد