قصيدة الفاتحة من القلب الى القلب

انت في القلب...
فتقبل هذا القليل


ماقريت الحمدُ يمك من اجيت
جان بيه اعجاز يحوي المستحه

كون كبرك مو كبر كون اتحاد
حته اقراهه بقصيده الفاتحه
الحمد للشعر الذي عرفني بيك
يا اله الحرف صوت وصوره
يارحيم الغزل يادمع اليتيم
ياقلم بالحيره خط اسطوره
حيله اجاك الموت شفتك من مشيت
جن عروس وبالغصب مجروره
انت مثلك مو جفن نفرش عليه
كون نفرش كل شعر وبحوره
وكون ادفنك عالكمر موع التراب
حنه منك يستعير بنوره
اهدنا ياليث قد مات الشجون
ابسراط الشعر مهتز الوزن
غير مغضوب الحزن شافك تموت
والله لو بيده كتل روحه الحزن
ابجي كلي شلون معذوره الدموع
ماتريد اعليك تبجي وشاله
حال ابوك شحاله ليث اكعد دشوف
حال يعكوب انكسر عن حاله
الظلام بعينه من كل الجهات
والدمع ما منحضر تجواله
ليث ابوك اطفال بعيونه الجروح
شلون عفته الوحده بين اطفاله
شفته يبجي بلا وعي وشبهته بيك
ونزلت وبراسي شلت نعاله

انه بيه الاله وياك ينعيم
خبر موتاك ين الخال ين عم
خسارتكم جبيره اليث ينعيم
خسارة موت تحيا الشاعريه

اتاني شكثر جيتك ليش ماييت
يمن حته عله ماي العين ماييت
اجيك شلون وادري الكاك ميت
عسه لاجيتك بذيج المسيه



فليرحمك الرب