مااسمـــــــــع بعد سديت الاذان
وعـــــرف مايفيد وياك الاعتاب
متعـــــود عليك وصارلي سنين
هي مــــــوجديده نفس الاسباب
اذا احسب اذنوبك ادري تغتاض
ولكــــــن ياصديقي صارن كتاب
يمكن لــــــو المهن تنحسب كوم
لذالك عزلت خـــــــل اقفل الباب
انه بسابع ارض مــــديت الجذور
ونته ياصديق صــــــــرت حطاب
تتسامر بكيفك ويــــــــــن متريد
بس تزعل عليه لاتفــــــه اسباب
انته سنين عــــــــدهم لازم الباب
وانه وداعـت عيونك طـاب طلاب
مـــن عالو امس حضرت العيون
وصرت يمهم مراقب خاف تنجاب
واذا طاريك جابــــوه حتى بالزين
اطيحن جني اعمـــه بنص التراب
اعـــــــرف مانضل للتالي صحبان
لجن وياك نصحـــي كلشي ماجاب
جبتنه بالسره مـــــــــادري شبيك
وانه اعرف اجاني السره وماخاب
هســـــــه وداعت الله تشكرك حيل
لان جــــــــرحك جبير ولابس نكَاب
جرحك الــــــــه هيبه بين الجروح
لان بيها متياز جـــــروح الاصحاب
خله تضل مسارح بيــــــه الجروح
ولجم كل جـــــــرح لوبسمر وطاب
اكوحركَت كَلب بس تخمـــد بساع
وكو حركَة كَلب بـــس بيها عطاب
ثيابك ارد اعاتــــــب سكتت شلون
عبالي علـــــي تنشـــــــــــكَ الثياب
بقلم الشيخ ابوحيدر الشويلي
